ფარიკაობა: არა მხოლოდ სპორტი, არამედ ხელოვნება

ნინო ჯერენაშვილმა 2014 წელს დაამთავრა პორტუს უნივერსიტეტის ეკონომიკის სადოქტორო პროგრამა, ხოლო 2016 წელს მიენიჭა ბიზნესის ადმინისტრირების დოქტორის აკადემიური ხარისხი. იგი ასოცირებული პროფესორია და აქვს ლეციების კითხვის 15 წლიანი გამოცდილება.

მას მნიშვნელოვანი წვლილი მიუძღვის საქართველოში 2025 წლის ფარიკაობის მსოფლიო ჩემპიონატის და 2026 წლის ვეტერანთა მსოფლიო ჩემპიონატის მასპინძლობის მოპოვებაში.

2021 წლიდან მისი ორგანიზებით საქართველოში ჩატარებულია 10-ზე მეტი მსოფლიო თასი და 2025 წლის მსოფლიო ჩემპიონატი, რომელიც საერთაშორისო ფედერაციის მხრიდან საუკეთესოდ ჩატარებისთვის **ოქროს მედლით დაჯილდოვდა.**

ნინო ჯერენაშვილი აქტიურად მართავს ფედერაციის ყოველდღიურ ადმინისტრაციულ და ფინანსურ საქმიანობას. იგი მნიშვნელოვან როლს ასრულებს ფედერაციის საერთაშორისო ურთიერთობების გაღრმავებასა და ქვეყნის სპორტული იმიჯის განმტკიცებაში.